Հայաստանում գները շարունակում են աճել

Մեկ տարվա կտրվածքով ամենաշատը թանկացել են միսը, կաթնամթերքն ու ձուն, իսկ ոչ պարենային ապրանքներից՝ ոսկերչական իրերն ու հեղուկ գազը։ Հայաստանում գնաճը մայիսի արդյունքներով դանդաղել է։ Այս մասին են վկայում ՀՀ վիճակագրական կոմիտեի տվյալները։ Մասնավորապես, մարտին այդ ցուցանիշը հասնում էր 4,5%-ի, ապրիլին՝ 5,3%-ի, իսկ մայիսին նվազել է մինչև 4,2%-ի։

Տարվա ընթացքում ամենաշատը թանկացել են միսը, կաթնամթերքը և ձուն։ Հացի և ձավարեղենի գինն աճել է սովորականից ավելի դանդաղ, իսկ բանջարեղենն մի փոքր ավելի էժան է, քան մեկ տարի առաջ։

Ոչ պարենային ապրանքներից վերջին 12 ամիսների ընթացքում զգալիորեն՝ 40,3%-ով թանկացել են ոսկերչական իրերը։ Բենզինը թանկացել է 8,9%-ով անցյալ տարվա մայիսի համեմատ, դիզելային վառելիքը՝ 17,1%-ով, իսկ հեղուկ գազը՝ 97%-ով  գրեթե կրկնակի։