ՊԵԿ․ Ագարակի անցակետը աշխատում է սովորական ռեժիմով
Վերջին օրերին Հայաստանի և Իրանի միջև բեռնափոխադրումների ծավալներում որևէ փոփոխություն չի արձանագրվել, չնայած Իրանում ընթացող պատերազմական գործողություններին։ Այս մասին հայտնել են Պետական եկամուտների կոմիտեից (ՊԵԿ)։
Կոմիտեի ներկայացուցիչները նշել են, որ «Ագարակ» մաքսային անցակետը շարունակում է աշխատել սովորական ռեժիմով։ Այն սպասարկում է և՛ Հայաստանից դեպի Իրան, և՛ հակառակ ուղղությամբ՝ Իրանից Հայաստան շարժվող բեռնատարների անցումը։
Այսպիսով՝ սահմանային անցակետի աշխատանքը մնում է անխափան, և բեռնափոխադրումների ընթացքը չի խաթարվել։