ԱՄԷ–Հայաստան հանդիպումը չեղարկվել է, Հայաստան-Բելառուս հանդիպման օրը հայտնի է

Հայաստանի ֆուտբոլի ֆեդերացիան հանդես է եկել հայտարարությամբ.

«Հարգելի՛ երկրպագուներ, հաշվի առնելով Մերձավոր Արևելքում տիրող լարված և անկայուն իրավիճակը՝ մարտի 26-ին նախատեսված ԱՄԷ–Հայաստան ընկերական հանդիպումը չեղարկվել է:

Վերահաստատում ենք, որ Հայաստան-Բելառուս ընկերական հանդիպումը կկայանա մարտի 29-ին՝ ժամը 18:00-ին, Երևանի Վազգեն Սարգսյանի անվան «Հանրապետական» մարզադաշտում»:

Նշենք, որ Հայաստան-Բելառուս հանդիպման տոմսերի վաճառքը մեկնարկել է մարտի 19-ին:  Յուրաքանչյուր անձ կարող է գնել Հայաստան-Բելառուս խաղի ոչ ավելի, քան 4 տոմս: