Հայ շախմատիստների հաջողությունները Մոսկվայում. Ավարտվել է «Aeroflot Open 2026» միջազգային մրցաշարը

Ռուսաստանի մայրաքաղաք Մոսկվայում եզրափակվել է շախմատային աշխարհի ամենահեղինակավոր ստուգատեսներից մեկը՝ «Aeroflot Open 2026»-ը: Մրցաշարն անցավ չափազանց լարված պայքարում, որտեղ հայ գրոսմայստերները ևս մեկ անգամ հաստատեցին իրենց բարձր կարգը՝ հայտնվելով լավագույնների շարքում:

Մրցաշարի հաղթողը և լավագույն արդյունքները
Մրցաշարի հաղթողի տիտղոսը նվաճեց ռուս գրոսմայստեր Յան Նեպոմնյաշչին, ով 9 հնարավորից վաստակեց 7.5 միավոր: Սակայն մրցանակային տեղերի համար պայքարն ընթացավ մինչև վերջին տուրը, որտեղ հայազգի շախմատիստները ցուցադրեցին փայլուն խաղ:

Հայաստանը ներկայացնող շախմատիստների արդյունքները
Հայաստանի շախմատի ֆեդերացիայի փոխանցմամբ՝ մեր գրոսմայստերներից լավագույն արդյունքները ցույց տվեցին Հայկ Մարտիրոսյանը և Արամ Հակոբյանը: Նրանք վաստակեցին 6.5-ական միավոր և զբաղեցրին համապատասխանաբար 4-րդ և 13-րդ հորիզոնականները: Գրոսմայստեր Շանթ Սարգսյանը 6 միավորով կիսեց 17-րդ տեղը:

Հայազգի ներկայացուցիչները պատվո հարթակին
Մրցաշարում փայլեցին նաև ՖԻԴԵ-ն ներկայացնող հայազգի գրոսմայստերները: Դավիթ Պառավյանը և Ռուդիկ Մակարյանը, վաստակելով 6.5-ական միավոր, զբաղեցրին պատվավոր 2-րդ և 3-րդ հորիզոնականները:

Հաջողություններ վարկանիշային խմբերում
Հայաստանը ներկայացնող ՖԻԴԵ-ի վարպետ Միքայել Մանվելյանը 5.5 միավորով լավագույն արդյունքն է գրանցել 2300-2399 վարկանիշ ունեցող շախմատիստների պայքարում՝ արժանանալով հատուկ մրցանակի: