Հայաստանում նախակրթարան հաճախելու տարիքային շեմը կնվազեցվի

Հայաստանի կառավարությունը որոշում է կայացրել՝ նախակրթարան հաճախելու նվազագույն տարիքային շեմը իջեցնել մինչև 4 տարեկան։

Այս փոփոխությունը նպատակ ունի էապես ընդլայնել նախադպրոցական կրթության հասանելիությունը և բարձրացնել երեխաների ընդգրկվածության մակարդակը համակարգում։

Արդյունքում՝ մեծ քաղաքներում և այն բնակավայրերում, որտեղ մանկապարտեզներում հերթ կա, 4 տարեկանից երեխաներին ընդունելու հնարավորություն կընդլայնվի։ Միևնույն ժամանակ փոքր համայնքներում, որտեղ գործում է ընդամենը մեկ հաստատություն, թույլատրվելու է տարատարիք խմբերի ձևավորում։ Սա հատկապես կարևոր է գյուղական վայրերի համար, որտեղ երեխաների քիչ թվի պատճառով առանձին խմբերի համար նոր մանկապարտեզ կառուցելը տնտեսապես անարդյունավետ է։

Փոփոխության գլխավոր նպատակներից է ոչ միայն ընդհանուր ընդգրկվածության ավելացումը, այլև 5-6 տարեկան երեխաների համար պարտադիր նախադպրոցական կրթության լիարժեք ապահովումը՝ առանց խոչընդոտների։