«ԷԹԵՐՆԻԱ». Ֆանտաստիկ շոու-ներկայացում Հայաստանում
Հայաստանի մշակութային կյանքում սպասվում է բացառիկ իրադարձություն. «ԷԹԵՐՆԻԱ» նախագիծը հրավիրում է բոլորին մի անհավանական ճամփորդության, որտեղ իրականության սահմանները ջնջվում են, իսկ երևակայությունը ստանում է տեսանելի կերպար:
Պատմություն սիրո, փորձությունների և կերպարանափոխության մասին
«ԷԹԵՐՆԻԱ»-ն պարզապես ներկայացում չէ, այլ մի կախարդական աշխարհ: Սյուժեի կենտրոնում սովորական մի երիտասարդ է, որը հայտնվելով խորհրդավոր Էթերնիայում, հանդիպում է գեղեցիկ նիմֆային: Հանուն իր սիրո՝ հերոսը պատրաստ է անցնել վտանգավոր ու դժվարին ճանապարհ։
Իմաստուն Պապիկի՝ Էթերնիայի գաղտնիքների պահապանի ուղեկցությամբ, նա անցնում է չորս տարրերի փորձությունների միջով, հանդիպում ֆանտաստիկ արարածների և հաղթահարում անհավանական խոչընդոտներ: Թե ինչպես կավարտվի այս պատմությունը, հանդիսատեսը կբացահայտի շոուի ընթացքում:
Վիզուալ գլուխգործոց և միջազգային որակ
Շոուն իրականացվել է Meduse պրոդյուսերական կենտրոնի միջազգային թիմի հետ համատեղ: Սա փորձառու մասնագետների միավորում է, որոնք ստեղծել են ժամանակակից տեխնիկական լուծումներով հագեցած բեմադրություն: Հանդիսատեսին սպասվում են.
- Ապշեցուցիչ և ինքնատիպ զգեստներ,
- Բարդ ու վտանգավոր ակրոբատիկ համարներ,
- Գերժամանակակից լուսային և ձայնային էֆեկտներ,
- Եզակի դեկորացիաներ, որոնք տեղափոխում են այլ հարթություն:
Արտիստների ուժը, նրբագեղությունն ու խիզախությունը ստեղծում են մի մթնոլորտ, որտեղ ֆիզիկական աշխարհի օրենքները կարծես դադարում են գործել:
«Տաշիր Արենա». Կրկեսային արվեստի նոր մակարդակ
Ներկայացումը տեղի է ունենալու նորաբաց և ժամանակակից «Տաշիր Արենա» կրկեսում, որն իր տեխնիկական տվյալներով եզակի է տարածաշրջանում.
- Մակերեսը՝21 000 մ²
- Գմբեթի բարձրությունը՝27 մետր
- Տարողունակությունը՝մինչև 2 000 նստատեղ (կախված միջոցառման ձևաչափից):
Օգտակար տեղեկատվություն
- Հասցե՝ք. Երևան, Ագաթանգեղոսի 1:
- Տոմսերի արժեքը՝սկսած 5000 դրամից:
- Մուտքը երեխաների համար՝Մինչև 5 տարեկան երեխաների մուտքն անվճար է (ծնողի ուղեկցությամբ, առանց առանձին նստատեղի):
Բաց մի՛ թողեք հնարավորությունը դառնալու այս հեքիաթի մի մասնիկը և զգալու Էթերնիայի կախարդանքը Հայաստանում: