Երևանի լավագույույն ինստագրամային վայրերը
Մենք մեկնարկում ենք մեր նոր խորագիրը՝ «Երևանի լավագույույն ինստագրամային վայրերը», քաղաքի ամենաճանաչելի և ֆոտոգենիկ խորհրդանիշից՝ Կասկադից։ Սա այն վայրն է, որտեղ արվեստը, ճարտարապետությունը և բնությունը միահյուսվում են՝ ստեղծելով եզակի տեսարաններ և հիանալի լուսանկարների հնարավորություն։
Կասկադ՝ Քաղաքը ափի մեջ և կախարդական մայրամուտներ
Բարձրանալով Կասկադի 572 ձյունաճերմակ աստիճաններով՝ ձեր առջև կբացվի Երևանը՝ իր տանիքներով և հորիզոնում Արարատի վեհասքանչ ուրվագծով։ Այստեղ մայրամուտը մաքուր կախարդանք է. արևի վերջին շողերը այնպես են ընկնում քարե կառույցների վրա, որ յուրաքանչյուր լուսանկար, առանց որևէ ֆիլտրի, կարծես արված լինի «ոսկե ժամի» էֆեկտով։ Կասկադն ոչ միայն ճարտարապետական գլուխգործոս է, այլև բացօթյա թանգարան՝ Բոտերոյի և Չեդվիկի քանդակներով, շատրվաններով և Գաֆեսճյան արվեստի կենտրոնով։ Այս ամենը ստեղծում է մի մթնոլորտ, որը կարելի է անվանել «կյանքը հիասքանչ է»։
Խորհուրդ՝ Լիարժեք վայելելու համար
Սկսեք բարձրանալ ներքևից՝ Թամանյանի արձանի մոտից, և մի՛ շտապեք։ Յուրաքանչյուր մակարդակ առանձին հիշարժան լուսանկարի և տեսանյութի արժանի է։ Կասկադը դարձել է պարտադիր այցելության վայր Երևան եկող յուրաքանչյուրի համար։