Բասկետբոլի Հայաստանի Մ16 հավաքականը կմասնակցի EYBL հեղինակավոր մրցաշարին

Հայաստանի մինչև 16 տարեկանների բասկետբոլի ակումբային հավաքականը պատրաստվում է կարևոր միջազգային ստուգատեսի: Ապրիլի 1-ից 5-ը Վրաստանի Թելավի քաղաքում մեր ընտրանին կմասնակցի Եվրոպական պատանեկան բասկետբոլի լիգայի (EYBL) հերթական փուլին:

Հայաստանի բասկետբոլի ֆեդերացիայի փոխանցմամբ՝ մրցաշարի այս փուլում հայ բասկետբոլիստների մրցակիցները կլինեն Վրաստանի, Լատվիայի և Ղազախստանի ուժեղագույն ակումբային թիմերը:

Մարզչական շտաբը և թիմի կազմը

Հավաքականը մրցավայր կմեկնի գլխավոր մարզիչ Վարդան Խաչատրյանի գլխավորությամբ: Մարզչի օգնականն է Լևոն Սարմազյանը:

Հայաստանի պատիվը Թելավիում կպաշտպանեն հետևյալ մարզիկները.

• Դավիդ Զոհրաբյան— «Կիլիկիա»
• Առնոյ Բաղդադյան— «Կիլիկիա»
• Ալեքսանդր Աբրահամյան— «Միրաք»
• Նարեկ Դանիելյան— ԽՄՕՄՄ
• Գագիկ Ծառուկյան— «Շենգավիթ»
• Գևորգ Հայրապետյան— «Շենգավիթ»
• Հովհաննես Օրդանյան— «Պատրիոտ»
• Հովհաննես Կոստիկյան— ԽՄՕՄՄ
• Հայկ Քերոբյան— «Պատրիոտ»
• Ռոբերտ Աստոյան— «Արթիկ»
• Միխայիլ Պետրով— «Գելեքսի Կրասնոյարսկ»
• Դմիտրի Աջյան— «Ռեուտով Մոսկվա»

EYBL-ը համարվում է եվրոպական պատանեկան բասկետբոլի ամենահեղինակավոր հարթակներից մեկը, որը հնարավորություն է տալիս երիտասարդ մարզիկներին ձեռք բերել միջազգային փորձ և մրցել ուժեղագույն դպրոցների ներկայացուցիչների հետ: